خوش آمدید

جستجو

تبلیغات





بیردن آخان بایاتیلار

    گونون آیین ایشیقی

    ائللرین یاراشیقی

    هامی وورغوندو سنه

    سنسن کیمین عاشیقی؟

         *****

    گؤزللر گؤزلی سن

    حافیظین غزلی سن

    نیظامی نین خمسه سی

    هونرین اؤز الی سن.

         *****

    بوجاقلارا قیسیللام

    خییالیندان آسیللام

    قاییدیب گئری گلسن

    سنه قوربان کسیللم.

         *****

    دنیزده گمین اوللام

    سازدا دیل غمین اوللام

    کؤنلن کیم یارا وورسا

    اؤزوم مرهمین اوللام.

         *****

    اومودوم واریم گلسین

    نازلی نیگاریم گلسین

    من گئجه لر یاتاندا 

    یوخوما یاریم گلسین.

         *****

    دوم دورو آخار پینار

    یئل اسر اوینار چینار

    گؤزللری گؤرنده 

    اورک بیردن چیرپینار.

         *****

    اودلار یوردو ائلی سن

    گدیکلرین یئلی سن

    دیل دوداغین قورویوب

    یوخسا اورمو گؤلوسن؟!

                            هله آردی اولاجاق...


    این مطلب تا کنون 7 بار بازدید شده است.
    منبع
    برچسب ها :  ***** ,گلسین ,اوللام ,
    بیردن آخان بایاتیلار

تبلیغات


    محل نمایش تبلیغات شما

پربازدیدترین مطالب

آمار

تبلیغات

محل نمایش تبلیغات شما

تبلیغات

محل نمایش تبلیغات شما

آخرین کلمات جستجو شده